वीर अस्पतालमा जचाउनको लागि आउने विरामीले अब लाइनमा बस्नु नपर्ने भएको छ । वीर अस्पतालले मंसिर १ गतेबाट लागू हुने गरी टोकन प्रणाली लागू गरेपछि लाइन लाग्ने झन्झन्टबाट बिरामीहरुले मुक्ति पाएका छन् ।

bir-hospitalस्वास्थ्य मन्त्री गगन कुमार थापाले सरकारी अस्पतालमा डाक्टरलाई जचाउन घण्टौं लाइन बस्ने बाध्यताको अन्त्य गर्न सवै सरकारी अस्पताललाई निर्देशन दिएका थिए । अस्पतालका निर्देशक  डा भूपेन्द्र बस्नेतका अनुसार वीर अस्पतालले टोकन प्रणालीसँगै  डिजिटल नागरिक वडापत्र समेत राखिएको हो । वीरको डिजिटल नागरिक बडापत्रमा अस्पतालबाट पाउने सेवा सुविधाहरुको जानकारी दिइने छ । अस्पतालमा आउने विरामीले कुन रोगको लागि कुन डाक्टरलाई भेट्ने, डाक्टर आउने समय, कहाँ पैसा तिर्ने, कहाँ भिडियो एक्सरे, एक्सरे कहाँ गर्ने, रिर्पोट लिने, ओपीडीमा कहाँ गएर जचाउने लगायतको सेवालाई डिजिटल डिस्प्लेमा देखाइने छ । डिस्प्लेमा अस्पतालको इतिहासदेखि हालसम्म अस्पतलले गरेका काम तथा थप सेवाको बारेमा समेत देखाइने छ ।

अस्पतालले डाक्टरको नामवाली र उपलब्ध हुने समयका बारेमा समेत जानकारी दिने गरि डिस्प्ले बनाउने योजना पनि बनाएको छ । डिजिटल वडापत्रले अस्पतालमा उपचार गर्न आउने सेवागाह्रीलाई सजिलो हुने डा बस्नेतले विश्वास व्यक्त गरे । वीर अस्पताल बाहेक परोपकार तथा प्रसुति गृह थापाथली, कान्ति बाल अस्पताल महाराजगञ्ज लगायतले समेत लाईन व्यवस्थापन गर्न टोकन प्रणाली लागु गरेका छन् ।

प्रतिक्रिया दिनुहोस