देउवा सरकारको जनप्रिय काम ६५ वर्षमै वृद्धभत्ता। भूकम्पपीडितलाई दाम

0
23

सरकारले सामाजिक सुरक्षावापत जेष्ठ नागरिकले पाउने भत्ता  ६५ वर्षमै पाउने निर्णय गरेको छ । यसअघि ७० वर्षको उमेरमा मात्र पाइने बृद्ध भत्ताको उमेरलाई घटाएर ६५ वर्ष कायम गरेको सूचना तथा सञ्चार मन्त्री मोहन बस्नेतले हाम्रोसेरोफेरोलाई बताउनु भयो । बुधबार साँझ प्रधानमन्त्री निवास बालुवाटारमा बसेको मन्त्रिपरिषदको बैठकले सो निर्णय गरेको हो ।

भूकम्प तथा बाढी पीडितहरुलाई दिँदै आएको अनुदान रकम समेत बढाउने निर्णय गरेको छ । सरकारले भूकम्प तथा बाढी पीडितहरुलाई अनुदान स्वरुप दिँदै आएको रकममा १ लाख थप गर्ने निर्णय गरेको हो । सरकारले भूकम्प पीडित र बाढी पीडितलार्इ अहिले दिएको रातहमा एक लाख रुपैयाँ थप गरिदिने निर्णय गरेको छ । अनुदान पाउने समय सकिएको अवस्थामा बढाउने निर्णय गरेको हो सरकारका प्रवक्ता एवं सूचना तथा सञ्चारमन्त्री बस्नेतले जानकारी दिनुभयो ।

सरकारले यसअघि भूकम्प पीडितलाई अनुदानस्वरुप ३ लाख रुपैयाँ दिँदै आएकामा थप एक लाख रुपैयाँ दिने निर्णय गरेको हो । बुधबार साँझ बालुवाटारमा बसेको मन्त्रिपरिषदको बैठकले पीडितहरुलाई राहत स्वरुप दिँदै आएको रकम बढाउने निर्णय गरेको हो । बैठकले नेपाली सेना का ४ जना महासेनानीलाई बढुवा गर्ने समेत निर्णय गरेको छ ।

प्रतिक्रिया दिनुहोस