जनता बिकास रोज्छन् बिनास होईन- प्रधानमन्त्री देउवा

0
30

प्रधानमन्त्री एवं नेपाली काँग्रेसका सभापति शेरबहादुर देउवाले देशभरि शान्ति सुरक्षाको व्यवस्था सुदृढ र चुस्त पारिएकाले आगामी निर्वाचनमा निर्धक्कसँग मतदानमा सहभागी भएर निर्वाचन सफल पार्न अपिल गर्नु भएको छ । आज नेपाल प्रेस युनियनले बिहीबार धनगढीमा गरेको पत्रकार सम्मेलनलाई सम्बोधन गर्दै प्रधानमन्त्री देउवाले जनतालाई सरकार बदल्ने र बनाउने अधिकार भएकाले कसैको डर, त्रास, धम्की, दबाब, लोभलालचमा नलागी चुनावमा सहभागी हुन आह्वान गर्नु भयो ।

प्रधानमन्त्रीले जनता प्रजातन्त्र र विकास चाहने भएकाले सुदूरपश्चिमका जनताले विकास गर्ने पार्टी काँग्रेसलाई निर्वाचनमा रोज्ने उल्लेख गर्दै पत्रकारको एक प्रश्नको जवाफमा प्रधानमन्त्रीले देश डर त्रासबाट मुक्त समाज भइरहेका बेला बनाइएको वाम गठबन्धनबाट डर त्रासको शासन आउने, कम्युनिस्ट अधिनायकवाद र तानाशाही आउँछ कि भनेर जनता डराएको बताउनु भयो ।

देउवाले आफ्नो भारत भ्रमणका क्रममा सुदूरपश्चिमको विकासमा महत्वपूर्ण योगदान दिन सक्ने पञ्चेश्वर परियोजनाको काम अगाडि बढाउने सहमति भइसकेको, गौरी फण्टा नाकाको स्तरोन्नति गर्ने, पश्चिम सेती जल विद्युत् परियोजनाको निर्माण गर्न प्रक्रियाको पहल थालिएको र उत्तरतर्फ चीनको नाका ताक्लाकोटसम्मको बाटो निर्माणकार्य भइरहेको समेत उक्त सम्मेलनमा बताउनु भयो ।

सभापति देउवाले अहिलेको बेला पार्टी एकजुट भएर चुनावमा होमिने बेला आएको उल्लेख गर्दै पार्टीलाई विजयी गराउन सहयोग गरेमा कारबाहीमा परेकाहरुलाई कारबाही फुकुवा हुने बताउदै उनिहरुलाई चुनावमा होमिन निर्देशन दिनुभयो । आगामी चुनावमा काँग्रेसले बहुमत ल्याएर देशबाट कम्युनिस्ट प्रहास्त गर्ने बताउनु भयो ।

प्रतिक्रिया दिनुहोस