सरकारले १३ मुलुकका लागि बिहीबार राजदूत नियुक्त गर्दै

0
19

सरकारले १३ मुलुकका दूतावासका लागि बिहीबार राजदूत नियुक्त गर्ने भएको छ। सत्तारूढ कांग्रेस, माओवादी केन्द्र र राप्रपाको भागबन्डाका आधारमा राजदूत नियुक्ति हुन लागेको हो। माओवादी र राप्रपाले टुंगो लगाइसकेका छन् भने कांग्रेसबाट बिहीबारसम्म टुंगो लाग्ने भएको छ। 

आजको नयाँ पत्रिका दैनिकमा प्रकासित समाचारका अनुसार अब चाँडै राजदूतहरूको नियुक्ति हुन्छ, यो साता निर्णय हुनेछ, परराष्ट्रमन्त्री डा. प्रकाशशरण महतका अनुसार बिहीबार बस्ने मन्त्रिपरिषद् बैठकबाट राजदूत नियुक्तिका लागि सिफारिस गर्ने सरकारको तयारी छ। लगत्तै शुक्रबार परराष्ट्रमन्त्री महत बेल्जियम र लक्जेम्वर्ग भ्रमणमा जाने तय भएको छ। गत १९ साउनमा पुष्पकमल दाहाल प्रचण्ड नेतृत्वमा सरकार गठन भएयता भारतमा दीपकुमार उपाध्याय र चीनमा लीलामणि पौड्याल राजदूत नियुक्त भएका छन्।

राजदूत नियुक्त हुने देश

  1. श्रीलंका
  2. जापान
  3. इजरायल
  4. साउदी अरब
  5. कतार
  6. अस्ट्रेलिया
  7.  डेनमार्क
  8.  बहराइन
  9. म्यानमार
  10. बंगलादेश
  11.  दक्षिण कोरिया
  12.  युएई
  13. ओमन

कांग्रेस ६, माओवादी ४, राप्रपा ३
राजनीतिक स्रोतका अनुसार कांग्रेस कोटाबाट ६, माओवादीबाट चार र राप्रपाबाट तीनजना राजदूत हुनेछन्। माओवादीले केपी ओली नेतृत्वको सरकारका पालामा सिफारिस गरेका चारजनालाई नै निरन्तरता दिने प्रधानमन्त्रीनिकट स्रोतले जानकारी दिएको छ। माओवादी केन्द्रबाट अघिल्लो सरकारका पालामा डा. महेन्द्रबहादुर सिंह (कतार), लक्की शेर्पा (अस्ट्रेलिया), युवनाथ लम्साल (डेनमार्क), पदम सुन्दास (बहराइन) सिफारिस गरिएका थिए। यसपटक पनि यी देश दोहोरिन सक्ने सम्भावना रहेको बुझिएको छ। प्रधानमन्त्रीका परराष्ट्र मामिला सल्लाहकार डा. ऋषि अधिकारीले चाँडै राजदूत नियुक्तिका लागि प्रधानमन्त्री आफैँले अग्रसरता देखाइरहेको जानकारी दिए। 

<

p style=”text-align: justify”>कांग्रेसमा नेतापिच्छे नाम सिफारिस
कांग्रेस कोटामा जापान, दक्षिण कोरिया, श्रीलंका, इजरायल, साउदी अरब पर्ने लगभग निश्चित भएको छ। यसबाहेक कांग्रेसको कोटामा थप दुई देशका लागि राजदूत हुनेछन्। यसपटक कांग्रेसबाट डा. जगदीशचन्द्र पोखरेल, डा. दिनेश भट्टराई, डा. विश्वम्भर प्याकुरेल, दिव्यमणि राजभण्डारीको नाम तय भएको छ। पोखरेल र भट्टराई क्रमशः कांग्रेस नेता रामचन्द्र पौडेल र डा. शशांक कोइरालाको सिफारिसमा परेको स्रोतले बतायो। सभापति देउवाको कोटाबाट राजभण्डारी र अर्थशास्त्री डा. प्याकुरेलको नाम तय भएको छ। बाँकी दुईजनाको अझै तय हुन बाँकी छ। यीमध्ये उपप्रधानमन्त्री एवं गृहमन्त्री विमलेन्द्र निधिको कोटाबाट एकजना सिफारिस गर्ने सभापति देउवाको तयारी छ।

प्रतिक्रिया दिनुहोस