दाहाल पूर्वप्रधानमन्त्री सुशील कोइराला पछिकै गरिब प्रधानमन्त्री

0
17

प्रधानमन्त्री पुष्पकमल दाहालसहित सरकारका मन्त्रीहरुले बुधबार सम्पत्ति विवरण सार्वजनिक गरेको छ सम्पत्ति विवरणमा दाहालको नाममा तीन तोला सुन र पत्नीका नाममा भरतपुरमा एक कट्ठा जमिन छ ।उनी पूर्वप्रधानमन्त्री सुशील कोइराला पछिकै नेपालका गरिब प्रधानमन्त्रीका रुपमा देखिएका छन् ।

दाहालले पेस गरेको चार पाने सम्पत्ति विवरणमा जम्मा त्यति दुई लाइनमात्रै छ । उनको यत्ति सम्पत्तिको स्रोत पैतृक उल्लेख गरिएको छ। यो खबर आजका सबै पत्र पत्रिकामा छापिएको छ। के साँच्चै दाहालको सम्पत्ति एक कट्ठा जमिन र तीन तोला सुनमात्रै हो? प्रधानमन्त्री छँदा वा नरहँदा पनि दाहालको उच्च रवाफिलो जीवनशैली देखेकालाई उनले मन्त्रिपरिषद कार्यालयमा पेस गरेको सम्पत्ति विवरणलाई पत्त्याउने खालको छैन ।

खान लाउनका सौखिन दाहाल समकालीन नेताहरुमा सबैभन्दा बढी ‘ब्राण्ड कन्सस’ छन्। हातमा महँगा ब्राण्डका घडी र ब्रान्डेड कपडाले उनको जीवनशैली महँगो पुष्टि गर्छ। उनी काठमाडौंको लाजिम्पाटमा तीन रोपनीमा फैलिएको महलमा बस्छन्। विलासी गाडी चढ्छन्।

दाहालको सुकुम्बासी जस्तै देखिने सम्पत्ति विवरणप्रति सामाजिक सञ्जालमा  सर्वसाधारणले कटाक्ष गरेका थिए। अहिले प्रधानमन्त्री प्रचण्डको सम्पत्ति विवरण हेर्दा उनी पनि गरिब प्रधानमन्त्री  देखएका छन् ।

प्रतिक्रिया दिनुहोस